Vazhdon magjia e Bolognas në Serie A. Skuadra e Thiago Motta-s mundi 2-0 Romën në “D’All Ara”, duke u pozicionuar kështu në vendin e katërt me 28 pikë.
Skuadra nga Bologna shkoi në avantazh në dhomat e zhveshjes, pas golit të Moro-s, 8 minuta nga fundit. Ekipi i Mourinhos ishte i pafat në fillimin e pjesës së dytë, pasi një autogol i Kristensen komplikoi shumë llogaritë, duke e bërë një mision shumë të vështirë përmbysjen.
Gjithsesi, Roma nuk ia doli dot të shënojë, qoftë një gol në këtë ndeshje. Me këtë rezultat, Lukaku me shokë janë jashtë Europe, me 25 pikë, në vendin e pestë.
(J.S/)