Ish-sulmuesi i Napolit dhe PSG-së, Ezequiel Lavezzi, është dërguar në një spital në Uruguai pas një goditjeje me thikë. Ish-reprezentuesin argjentinas e nisën me urgjencë në Sanatorio Cantegril de Maldonado, Uruguai, të martën në mëngjes, sipas asaj që raportojnë mediat vendase.
Burime policore të cituara nga El Observador pretendojnë se Lavezzi u godit me thikë nga një nga anëtarët e familjes së tij pas një debati për para.
“Aktualisht nuk dihet si kanë qenë ngjarjet dhe motivet zyrtare. Po punohet për marrjen e deklaratave nga dëshmitarët në vendngjarje, pronarë dhe punonjës. Për momentin nuk dihet arsyeja e plagosjes”, ishin fjalët e policisë.
Sa i takon jetës futbollistike, 38-vjeçari iu bashkua Napolit nga skuadra argjentinase San Lorenzo në vitin 2007 dhe kaloi pesë sezone me Partenopei, duke shënuar 48 gola në 188 paraqitje.
(J.S/)
and then