Në atentatin e dështuar ndaj Xhevdet Plakut në 2019-tën përveç emrave të Algert dhe Rexhep Rapit si dhe Dejvi Gjermenit dyshohet të këtë qenë i përfshirë edhe Fatjon Dervishi, që u vra në shtator të këtij viti në Sukth. Hetimet e autoriteteve holandeze dhe të dhënat e përfituara nga përgjimet mund të ndihmojnë hetuesit në zbardhjen e vrasjes së Fatjon Dervishit. Gjatë komunikimeve ata flasin me njëri-tjetrin për rrezikun e ndonjë atentati apo edhe për çështje të trafikut të drogës. Në një përgjim ambiental të realizuar nga autoritetet holandeze mes Dejvi Gjermenit dhe Fatjon Dervishit që njihej edhe me emrin Toqja, ose Toni Mergan dervishi thotë se për të vrarë Xhevdet Plakun është shumë e vështirë.
Madje në përgjime ai shprehet se edhe vetë ishte shumë i kujdesshëm sa herë që shkonte në Shqipëri, pasi i druhej ndonjë atentati. Dervshi, që u qëllua me breshëri automatiku më 27 shtator të këtij viti, tregonte në bisedat me Dejvi Gjermenin se Xhevdet Plaku ua kishte shpërndarë njerëzve të tij fotot e personave që i konsideronte si kundërshtarë, përfshi Algert dhe Rexhep Rapin, të interesuar për vrasjen e tij.
Në një tjetër episode te përgjimeve, që ndodhen në dosjen e prokurorisë, i ndjeri Dervishi tregon se i kishte propozuar Algert Rapit që ai të vriste vëllain e Xhevdet Plakut për shkak se nuk ruhej dhe lëvizte lirshëm, ndërsa gjate ceremonisë mortore Fatjon Dervishi do të vriste Xhevdet Plakun. Pak ditë më parë SPAK vuri në pranga Rrexhep Arapin, nipin e tij Algert Arapi si të përfshirë në atentatin e dështuar ndaj Xhevdet Plakut. Në këtë ngjarje dyshohet si i përfshirë edhe ish-oficeri i policisë, Dedan Gjoni, i arrestuar disa javë me parë me urdhër të SPAK ne kuadër të një grupi kriminal.
and then