Interi është shpallur fituesi i Kupës së Italisë pas një fitoreje drithëruese në kohët shtesë ndaj Juventusit. Një fitore 4-2 që ka ardhur mes shumë emoclonesh dhe përmbysjesh nga të dy skuadrat, por edhe polemikash për dy penallti që kthyen ndeshjen për zikaltrit.
Zikaltrit shënuan shpejt me Barela, por më pas i lëshuan plotësisht iniciativën Juventusit që kërkoi me ngulm golin. bardhezinjtë gjetën dy të tillë brenda pak minutash në fillimin e pjesës së dytë me Aleks Sandro dhe Vlahoviç dhe u duk se kishin plotësisht kontrollin e ndeshjes.
Por një penallti e dhënë në minutën e 78-të, e transformuar nga Çalhanollu, vendosi barazinë dhe çoi ndeshjen në shtesa. Aty, ishte një tjetër penallti mes polemikash që soli avantazhin e zikaltërve me Perishiç, ndërsa kroati pak minuta më vonë shënoi edhe golin i cili shënoi golin e 4-2 që vulosi suksesin pas 11 vitesh të skuadrës së drejtuar nga Inzagi.
JUVENTUS-INTER 2-4
50′ Aleks Sandro, 52′ Vlahoviç / 7′ Barela, 80′ (p) Çalhanollu, 99′ (p), 102′ Perishiç
NGJARJET KRYESORE
105’+3’ Juventusi kërkon penallti pas një rrëzimi të Vlahoviç në zonë. Gjyqtari lë lojën të vazhdojë dhe nuk shkon të shohë pamjet me VAR.
99’ GOOOL INTERI! Shënon Perishiç pas një kundërsulmi të shpejtë të finalizuar me një predhë nga jashtë zonës.
99’ GOOOL INTERI! Shënon Perishiç me penallti.
98’ Penallti për Interin! Kontakt mes De Ligt dhe De Vraj në zonë dhe Valeri lë lojën të vijojë, më pas sinjalizohet nga VAR dhe pasi sheh pamjet, bën shenjë nga pika e bardhë.
92’ Gjuajtje e fortë e Sançez, sfera shkon direkt te Perin i cili e ndalon në dy kohë.
90’+3’ Mbyllet koha e rregullit me barazimin 2-2. Duhen shtesat për të caktuar fituesin.
80’ GOOOL INTERI! Shënon Çalhanollu me penallti.
78’ Penallti për Interin. Pas një kontakti në zonë mes Lautaro Martinez dhe Bonuçit, sulmuesi rrëzohet në tokë. Gjyqtari nuk ka dyshime dhe bën shenjë nga pika e bardhe.
71’ Dimarko gjuan në hyrje të zonës, De Ligt devijon sferën e cila shkon jashtë, jo shumë larg shtyllës në të majtë të Perin.
57’ Pas një goditje këndi, Morata nga e majta gjuan drejt portës, Handanoviç përgjigjet i vëmendshëm.
54’ Darmian lëshon një predhë nga brenda zonës, gjuajtja e tij grushtohet nga Perin.
52’ GOOOL JUVENTUSI! Pas një goditje nga këndi për Interin, juventinët nisin një kundërsulm të shpejtë me Dibala i cili pason për Vlahoviç. Ky i fundit futet në zonë, sheh gjuajtjen e parë të godasë në fytyrë Handanoviç e të dytën më pas e çon në rrjetë.
50’ GOOOOL JUVENTUSI! Aksion i gjatë i skuadrës bardhezi që provon në çdo mënyrë të çajë. Sfera shkon te Aleks Sandro i cili gjuan nga jashtë zonës dhe një devijim i lehtë i Vlahoviç barazon shifrat.
49’ Vlahoviç kërkon penallti pas një shtyrje në zonë, gjyqtaria bën shenjë që loja të vazhdojë.
41’ Zëvendësim i detyruar te Juventusi, me Danilon e dëmtuar i cili i bën vend Moratës në fushë.
31’ Pas një goditje këndim, sfera shkon te Dibala i cili lëshon një gjuajtje të fortë me të majtën, por nuk gjen katërkëndorin.
30’ Tjetër ndërhyrje e Handanoviç, këtë herë pas një goditje këndi ku ai devijon mbi traversë gjuajtjen me kokë të De Ligt.
24’ Handanoviç bën mrekullinë ndaj Vlahoviç. Sulmuesi shfaqet në të majtë dhe godet drejt shtyllës së dytë. Gardiani zgjatet dhe devijon sferën jashtë.
23’ Dibala jep shkëndijën e parë për Juventusin me një gjuajtje të fortë, pro është qendrore dhe Handanoviç kontrollon sferën.
7’ GOOOL INTER! Predhë e Barela nga jashtë zonës, duke mos i lënë kohë të reagojë portierit Perin.
FORMACIONET ZYRTARE:
JUVENTUS: Perin, Danilo, De Ligt, Kielini, Aleks Sandro, Zakaria, Rabio, Kuadrado, Dibala, Bernardeski, Vlahoviç.
Trajner: Masimiliano Alegri
INTER: Handanoviç, Shkrinjar, De Vraj, Dambrozio, Darmian, Barela, Brozoviç, Çalhanoglu, Perisiç, Lautaro Martinez, Xheko.
Trajner: Simone Inzagi.
Arena e Lajmit
