Partizani ka triumfuar me përmbysje 1-3 ndaj skuadrës rumune të Universitatea Cluj, në miqësoren e luajtur në Antalia të Turqisë. Goli i parë i takimit erdhi pas gjysmë ore lojë. Një gafë e portierit Qirko i dhuroi mundësinë sulmuesit rumun, Daniel Popa, për të dërguar topin në rrjetë. Skuadrat shkuan me rezultatin 1-0 në dhomat e zhveshjes, ndërsa në pjesën e dytë, ekipi i Orges Shehit do futej në fushë me tjetër marsh.
Partizani vendosi ekuilibrat në minutën e 48-të, pas një penalltie të shndërruar në gol nga Tedi Cara. Të kuqtë morën zemër dhe ia dolën edhe të përmbysnin llogaritë, në minutën e 67-të, falë Sembene. Për të vulosur një herë e mirë fatin e kësaj sfide mendoi Maguette, me një gol për panoramë në të 73-tën.
Partizani tashmë, pas këtij testi, e pret ndeshja e Superligës ndaj Teutës, takim ky i programuar të luhet me datën 13 janar, me fillim nga ora 17.00. Në krahun tjetër, Universitatea Cluj përballet me FC Hermannstadt në kampionat.
(J.S/)
and then