Një aksident ka ndodhur ditën e sotme në aksin rrugor Fier-Ballsh, në vendin e quajtur “Ofiçina e vjetër”.
Automjeti tip “Benz”, i drejtuar nga shtetasi me iniciale A. S., 44 vjeç, është përplasur me automjetin tip “Benz” me drejtues shtetasin R. B., 59 vjeç.
Si pasojë e aksidentit janë dëmtuar lehtë tre pasagjerët që udhëtonin me shtetasin A. S. si edhe vetë drejtuesi i mjetit, shtetasi A. S., të cilët ndodhen në spital nën kujdesin e mjekëve.
Policia bën me dije se personat e lënduar janë jashtë rrezikut për jetën dhe se grupi hetimor po punon për zbardhjen e shkakut të aksidentit.
Arena e Lajmit
