Sipas asaj që raporton Sky, mesfushori Rade Krunic është gjithnjë e më afër lamtumirës nga Milani. Krunic është në tratativa të avancuara me Fenerbahçen, edhe pse mungon tymi i bardhë, i cili pritet të vijë së shpejti. Bëhet fjalë për një akord që do të sjellë 5 milionë euro plus bonuse në arkat e Milanit.
Klubi turk dhe Milani po përgatisin të gjithë dokumentacionin e nevojshëm për të përfunduar transferimin dhe më pas, lojtari boshnjak do të mund të fluturojë drejt Turqisë për vizita mjekësore dhe nënshkrimin e kontratës që do ta lidh atë me skuadrën e re.
Në Milano, përderisa mungon zyrtarizimi, thonë se ende nuk është kryer asgjë. “Ai është lojtar i Milanit, është nën kontratë me ne dhe për momentin ende nuk kemi ofertën e duhur” – tha Moncada, drejtor i zonës teknike te Milani.
(J.S/)
and then