Policia “skanon” celularët e tre të rinjve, iu vihen prangat pas faqeve që gjetën të hapura

Policia e Tiranës ka vënë në pranga 3 të rinj, për organizim të lojërave të fatit.

Gjatë kontrolleve të ushtruara nga shërbimet e Policisë, në rrugën “Beluë Hatib”, shërbimet e Policisë gjetën të hapura në celularët e shtetasve R. H., 26 vjeç, D. J., 26 vjeç, dhe A. K., 27 vjeç, faqe që shërbejnë për vënien e basteve sportive.

Në vijim të veprimeve u bë arrestimi në flagrancë i tyre dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.