Izmir Smajlaj, kampioni kombëtar me shumë triumfe ndërkombëtare, do t’u mungojë garave të atletikës për disa muaj. Shkak është bërë një dëmtim i rëndë që ka pësuar në Kupën e Shqipërisë, teksa po mundohej të thyente rekordin kombëtar në kërcim së gjati.
Lajmin e keq e ka dhënë vetë sportisti me një status në rrjetet sociale, ku ka konfirmuar se ka pësuar një këputje të ligamenteve që do e detyrojnë t’i nënshtrohet një ndërhyrje kirurgjikal.
“Ndonëse dola i pari në garën e “Kupës së Shqipërisë”, kjo garë më çoi ne dëmtimin më të madh të karrierës sime.
Këputje totale të ligamenteve, dhimbje e humbje e tërë atyre orë stërvitje intensive për t’ju dhënë një rekord të ri kombëtar.
Fatkeqësisht më duhet të operohem dhe rikuperimi do të zgjasë disa muaj, por jam i sigurt që do të rikthehem shumë herë më i fortë për t’ju nderuar në kompeticione kombëtare e ndërkombëtare.
Dua t’ju falënderoj të gjithë tifozëve të shumtë që ishin në stadium, miqve, familjes e trajnerit, që më duartrokitën e qëndruan pranë meje! Nderime e respekt ndaj jush!”, shkruante Smajlaj.
Arena e Lajmit
and then