15 vite nga anëtarësimi në NATO, ministri Hasani: Shqipëria mbetet një kontribues i përkushtuar i Aleancës

Ministri i Jashtëm Igli Hasani ka deklaruar se Shqipëria mbetet një kontribues i përkushtuar i NATO-s.

Në një postim në rrjetin social “X” për 15 vjetorin e anëtarësimin në NATO, ministri Hasani tha se vendi ynë qëndron me krenari me aleatët e saj për të mbështetur vlerat tona të përbashkëta dhe për të përqafuar paqen.

Postimi i plotë:
Pesëmbëdhjetë vjet në NATO. Një rrugëtim i përkushtimit, solidaritetit dhe mbrojtjes kolektive. Shqipëria mbetet një kontribues i përkushtuar i #NATO-s , duke qëndruar me krenari me aleatët e saj për të mbështetur vlerat tona të përbashkëta dhe për të përqafuar paqen.