“E mbajti të izoluar për disa orë në një banesë”/ Kreu marrëdhënie seksuale me një të mitur, arrestohet 60-vjeçari në Tiranë. 16-vjeçarja…

Një 60-vjeçar është ndaluar nga komisariatit nr.1 në Tiranë për shkak se dyshohet se ka kryer marrëdhënie seksuale me një vajzë të mitur.

Mësohet se ka qenë vetë vajza 16-vjeçare që ka denoncuar në polici për rastin në fjalë.

Fillimisht ajo i ka treguar nënës se saj, ndërsa më pas janë drejtuar në polici.

Lajmi konfirmohet për nga gazetari Igli Çelmeta, i cili raporton se ngjarja ka ndodhur në fshatin Vrap të Tiranës.

Vajza 16 vjeçe në kohën kur ishte 15 vjeçe pretendon se para 3 muajsh 60-vjeçari ka abuzuar seksualisht me të përmes dhunës.

Sipas pretendimeve të vajzës nëpërmjet dhunës 60-vjeçari e ka futur në një banesë ne fshatin Vrap dhe ka abuzuar me të si dhe e ka mbajtur të mbyllur për disa orë.

Sipas ekspertizës mjekoligjore rezulton se e mitura është e abuzuar seksualisht.

Njoftimi: 

Specialistët për Hetimin e Krimeve të Komisariatit të Policisë Nr. 1 ndaluan me iniciativë shtetasin K. B., 60 vjeç, pasi dyshohet se ka kryer marrëdhënie seksuale me një shtetase të mitur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.