Gwyneth Paltrow dhe Brad Pitt flasin për raportin e tyre 20 vjet pas ndarjes: Të dua shumë

Ata mund t’i kenë dhënë fund fejesës së tyre dekada më parë, por Gwyneth Paltrow dhe Brad Pitt ruajnë ende shumë dashuri për njëri-tjetrin.

Ish-çifti ka realizuar një bisedë që u publikua në faqen e Paltrow ‘Goop‘. Për nder të ‘Ditës së Baballarëve’, Paltrow kujtoi babanë e saj të ndjerë, drejtorin televiziv Bruce Paltrow, i cili vdiq në vitin 2002 pas një beteje me kancerin. “Nuk do ta harroj kurrë kur u fejuam dhe ai erdhi tek unë një ditë me sytë plot lot dhe më tha: “E di, kurrë nuk e kuptova se çfarë nënkuptojnë kur thonë se po fiton një djalë, po fitoj një djalë”, tha ajo. “Çfarë ndikimi ka pasur tek ti? Pse e ke dashur kur nuk u martuam, për fat të keq”.

“Po, e drejtë,” tha Pitt duke qeshur. “Gjithçka funksionon, apo jo?” “Po, po,” u përgjigj Paltrow. “Më në fund gjeta Bradin me të cilin supozohej të martohesha. M’u deshën vetëm 20 vjet.” “Dhe është bukur të kem ty mikeshë tani”, -tha Pitt. “Dhe unë të dua ty.”
“Të dua shumë,” u përgjigj Paltrow.

Dyshja nisën një romancë në vitin 1994 pas takimit në xhirimet e filmit “Se7en”. Ata u fejuan në vitin 1996 dhe u ndanë disa muaj më vonë, vitin e ardhshëm.
Brad më pas u martua dhe u divorcua me aktoret Jennifer Aniston dhe Angelina Jolie, ndërsa Paltrow u martua dhe u divorcua me yllin e ‘Coldplay’, Chris Martin. Paltrow u martua me producentin Brad Falchuk në 2018.

Intervista e saj me Pitt lidhet me promovimin e përfshirjes së tij në ‘God’s True Cashmere’.