Përfshirja në trafikun e drogës ka rezultuar fatal për 8 shtetas shqiptarë, të cilët janë arrestuar në Annecy të Francës.
Sipas njoftimit nga Prokuroria e Annecy, shqiptarët e kishin shtrirë aktivitetin e tyre në zonë duke shitur kryesisht droga të rënda, si kokainë dhe heroinë.
Në operacionin për ndalimin e tyre janë përfshirë 60 efektiv policie, ndërsa bëhet me dije se hetimi ndaj bandës kishte nisur që në 27 tetor të vitit të kaluar.
Gjithashtu mësohet se 8 shqiptarëve u janë gjetur 17 mijë euro cash, një kilogram heroinë, 150 gramë kokainë dhe 4 automjete.
Ata kanë dalë para para gjykatës dhe akuzohen për “trafik droge dhe pjesëmarrje në grup kriminal”, ndërsa theksohet rrezikojnë deri në 10 vite burg.