Të tjera zhvillime në “shtëpinë” e Juventus. Në klubin bardhezi janë orë deçizive me drejtuesit torinez që janë duke vlerësuar njëkohësisht shumë pista si në hyrje po ashtu edhe në dalje. Sa i takon shitjve, tek Juventus janë në garë me kohën, sa i takon Federico Chiesës, lojtari duhet shitur brenda këtij sesioni merkatoje, ndryshe mund të rrezikojë 1 vit i ulur në stol dhe largimin me 0 në fund të sezonit të ardhshëm. Barcelona për momentin është në pole position për sulmuesin e krahut të kombëtares italiane.
Sa i takon merkatos në hyrje emrat janë po të njëjtët: Nico Gonzales dhe Koopmeiners. Për argjentinasin situata duket më pozitive, me klubin “vjollcë” që duket e bindur për ta shitur lojtarin e saj tek bardhezinjtë. Ndërkohë në stand by është situata për mesfushorin holandez të Atalantës, Teun Koopmeiners. Juve ka avantazhin që ka marrë “PO-në” e lojtarit por me ziklatrit ende nuk kanë gjetur gjuhën e përbashkët. Klubi bergamask nuk pranon një shifër më të ulët se sa 60 milionë euro për play makerin.
Ndërkohë emri më i ri në shtëpinë bardhezi është ai i Sancho-s. Winger-i anglez duket se nuk do të vijoj më të jetë pjesë e Manchester United për sezonin e ardhshëm, ndaj do të ishte një opsion shumë i mirë për Juventus. Pengesa kryesore për momentin është kërkesa tepër e lartë nga klubi anglez: 45 milionë stëlina. Juventus është duke studiuar për momentin pistën e huazimit me detyrim blerje në përfundim të sezonit tjetër. Palët janë ende larg njëra tjetrës për momentin, por tek Juventus kanë nisur të ëndërrojnë, një skuadër “yjesh” duket në horizont.
and then