Aksident i rëndë në fshatin Bulçar të Gramshit, 4 të plagosur, 2 prej tyre dërgohen te Trauma në gjendje të rëndë

Një aksident i rëndë ka ndodhur në orët e mbrëmjes në fshatin Bulçar, njësia administrative Kodovjat.

Si pasojë e përplasjes së dy mjeteve janë plagosur 4 persona, dy prej të cilëve janë në gjendje të rëndë, të cilët janë nisur drejt Spitalit të Traumës në Tiranë.

Njëri prej tyre është transportuar me helikoper, ndërsa tjetri me ambulancë. Dy persona të tjerë po marrin shërbim mjekësor në spitalin e Gramshit.