Deputeti demokrat Dashnor Sula ka reaguar pas vendimit të Gjykatës së Apelit për të lënë në fuqi vendimin për dënimin e deputetit Ervin Salianji.
Sula u shpreh se “sot u rikthyen dënimet politike”, duke e cilësuar të tillë vendimin ndaj Salianjit, ndërsa shtoi se ky është një mesazhqë vret guximin e atyre që denoncojnë pushtetarët e inkriminuar.
Reagimi i plotë:
Sot u rikthyen dënimet politike!
Dënimi i deputetit Ervin Salianji është vendim politik. Ky është një mesazh për të vrarë kurajon/guximin e atyre që denoncojnë pushtetarët e inkriminuar.
Është fakt që vëllai i ish-ministrit të brëndshëm u fut në burg në Itali pas denoncimit të Salianjit. Është fakt i njohur botërisht që derisa u bë denoncimi nga PD, vëllai i ish-ministrit lëvizte i lirë madje edhe duke bërë biznes në Shqipëri. Por gjykatat dënojnë deputetin e opozitës që denoncon.
Kur kjo ndodh me një deputet që përfaqëson minimalisht 10 mijë qytetarë, e kuptoni çfarë ndodh me një qytetar të vetëm?!
Vendimi politik i marrë ndaj deputetit demokrat, Drejtuesit politik të qarkut të Elbasanit, Ervin Salianji është një kambanë alarmi për demokracinë në vend.
Partia Demokratike dhe opozita nuk duhet të pranojnë të nënshtrohen nga vendimet politike.
Qytetarët dhe opozitarët duhet të ngrihen përballë kësaj arrogance të qeverisë dhe të ndalojnë shkatërrimin e demokracisë në Shqipëri.
and then