Erl Murati, Drejtor Informacioni në News24, tha në emisionin “Open” se përqëndrimi i efektivëve të Gardës në Parlament duhet parë në atë se çfarë ka ndodhur në seancat e mëparshme. Murati tha se mos harroni se seancën e mëparshme u dogjën karriget, ndaj dhe referuar këtyre situatave, do të kishte masa nga Garda.
Ai tha se nuk është hera e parë që Garda pengon deputetët të hyjnë në Kuvend. “Masat e sigurisë janë të shpjegueshme, pasi edhe më parë është tentuar të pengohen punimet e Parlamentit. Garda këtë punë ka, nuk është përgjegjëse”, tha Murati.
Në vijim Murati e pyeti deputetin Flamur Noka nëse kjo situatë ka lidhje me burgosjen e Ervin Salianjit apo edhe për rrethana të tjera, sepse në korrik ju miratuat bashkë me PS-në, ndryshimet në Kodin Zgjedhor.
Noka duke iu përgjigjur tha se “në Kodin Zgjedhor nuk ka pasur asnjë ndryshim, por janë implementuar vendimet e Gjykatës Kushtetuese. Kishte 3 vendime të Kushtetueses që ne ishim të detyruar t’i implementojmë. Kodin Zgjedhor nuk e kemi ndryshuar, pasi Edi Rama dhe mazhoranca kanë qenë kategorik kundër për t’u ulur”.
“I gjithë zinxhiri drejtues i opozitës, duke nisur nga lideri i opozitës, është në burg politik. Kemi bërë 5 muaj aksion opozitar. Ilir Metës dhe Fatmir Mediut po i tunden prangat, opozitës iu shpall luftë nga Edi Rama në seancën kur Elisa Spiropali u vendos Kryetare e Kuvendit”, tha Noka.
Ndërsa Murati u shpreh “dukeni sikur po bëni revolucion stinor”.
“Ju po shkoni me qëllimin për t’u përplasur, hidhni molotov, bëni mosbindjen civile, dhe më pas ankoheni”, i tha Murati, deputetit demokrat.
and then