Kombëtarja e basketbollit për meshkuj, do të nis këtë të dielë përgatitjet për ndeshjen e dytë të raundit të parë kualifikues për Kupën e Botës 2027, atë ndaj Austrisë.
Shqipëria është e shortuar në grupin C së bashku me Austrinë dhe Armeninë, teksa ekipi ynë u mposht në ndeshjen e parë ndaj Armenisë, me rezultatin 84-79, teksa për momentin ndodhemi të fundit në këtë grup.
Ndaj Austrisë regjistrojmë përballjen e tretë në histori, teksa dy përballjet e mëparshme për kualifikuese jemi mundur, në vitin 2004 në Austri, 83-66, si dhe një vit më pas në Tiranë me rezultatin 82-90.
Grupi C, kryesohet për momentin nga Armenia me 3 pikë, por me 2 ndeshje të zhvilluara, ndërsa në vendin e dytë është Austria me 1 pikë më pak, me një ndeshje të luajtur po aq sa edhe ekipi ynë përfaqësues.
Skuadra do të grumbullohet në datë 17 Nëntor në Durrës nën urdhrat e trajnerit Erkand Karaj, teksa sfidën ndaj Austrisë do të zhvillohet ditën e enjte, në datë 21 Nëntor, ora 19:30, në pallatin e sportit “Dhimitraq Goga”, në Durrës. Përballjen Shqipëri-Austri do ta drejtojë gjyqari spanjoll Arnau Padros Feliu, me asistentët Valerio Grigoni nga Italia dhe Ioannis Agrafiotis nga Greqia.
and then