Pas vjedhjeve të kryera në disa banesa në qytetin e Kuçovës, efektivët e Komisariatit të Policisë Kuçovë kanë mundur të arrestojnë mbrëmjen e sotme autorin e këtyre vjedhjeve,40-vjeçarin Alvaro Jani Merka.
Vjedhjet janë kryer të gjitha në muajin Prill të këtij viti dhe çdo vjedhje kryhej gjatë natës, nëpërmjet shqyerjes së dyerve kryesore të banesave. I kthyer tashmë në “makthin” e banorëve të qytetit, këta të fundit kishin filluar të bënin edhe vetë roje natën për të kapur hajdutin. 40-vjeçari Merka është identifikuar nëpërmjet kamerave të sigurisë së banesave ku edhe ka kryer vjedhjet dhe mbrëmjen e sotme ka rënë në prangat e policisë.
https://youtube.com/shorts/Nr3RJuIMRo0
Vetëm gjatë muajit Prill 2022 ai ka vjedhur 3 banesat e shtetasve: Agim Qorraj,Fatmir Minxhq dhe Nikollaq Ndina, të treja në lagje të ndryshme të qytetit të Kuçovës.
Burimet zyrtare të policisë konfirmojnë se Merka ishte i mirëinformuar për sendet me vlerë dhe bizhuteritë që ndodheshin në banesat ku hynte për të kryer vjedhjet. Të njëjta burime konfirmojnë se mes sendeve të vjedhura e të sekuestruara janë gjetur bixhuteri,sende me vlerë,para,pije akloolike etj.
and then