Këshilli Kombëtar i Partisë Demokratike riktheu dje në Kryesi, pas shumë vitesh, ish-nënkryetaren e partisë, Jozefina Topalli.
Ajo u afrua me Berishën në Kuvendin e fundit Kombëtar, ku mbajti edhe një fjalim për dështimin e Bashës në drejtimin e partisë.
Topalli ishte e treta më e votuara nga zonjat, me 118 vota, pas Fatbardha Kadiut dhe deputetes Ina Zhupa.
Ajo së bashku me Arben Imamin u veçuan nga kryetari i PD-së, Sali Berisha, një ditë para votimit se i kanë shtuar vlerat listës së kandidatëve, duke thënë se të dy ishin larguar brutalisht nga partia.
Por, teksa Topalli u pranua nga Këshilli, nuk mund të thuhet e njëjta gjë për Imamin.
Ai mori vetëm 53 vota nga 227, duke dështuar të futet në kryesi. Madje njëri prej votuesve e nxori fletën e tij të pavlefshme, pasi kishte shënuar “Jo” në krah të emrit të Imamit.
Arena e Lajmit