Paulo Dibala ka luajtur sot ndeshjen e tij të fundit në “Allianz Stadium” si një futbollist i Juventusit. Sulmuesi argjentinas do të largohet në fund të këtij sezoni nga bardhezinjtë duke i dhënë fund një karrierë që zgjati 7 edicione në këtë ekip ku për shumë vite ai ishte një nga idhujt e tifozerisë.
Në minutën e 78 të ndeshjes ndaj Lacios, trajneri Alegri vendosi t’i dhuronte Dibalas përshëndetjen e fundit me tifozerinë duke e larguar nga fusha e lojës dhe ishte e kuptueshëm që të gjithë u çuan në këmbë për të respektuar lojtarin dhe kontributin e tij në këto vite.
Ky i fundit u takua me shokët e skuadrës në fushë dhe u largua nga terreni dukshëm i emocionuar, duke mos kursyer një përqafim edhe me Alegrin, apo edhe me Kielinin i cili e priste në pankinë.
Edhe për të pastaj kishte një xhiro rreth stadiumit, për të përshëndetur tifozët e shumtë e për të bërë foto me disa prej tyre, të cilët nuk kursyen as lotët për këtë lamtumirë të argjentinasit.
Arena e Lajmit
Loading…
and then