Justin Bieber është parë për herë të parë në publik pasi u diagnostikua me sindromën e rrallë Ramsay Hunt.
Ylli i popit dhe gruaja e tij, Hailey Bieber , dukeshin të qetë dhe të buzëqeshur kur zbritën nga avioni i tyre në Los Anxhelos, pasi kaluan 2 javët e fundit në një ishull privat në Bahamas.
Justin Bieber u shfaq i veshur sportiv plot ngjyra ndërsa kishte vënë edhe një kapuç dhe një palë syze.
Justin kohët e fundit foli për sëmundjen tronditëse duke u thënë ndjekësve të tij në Instagram se po luftonte me një virus që i shkaktoi sindromën Ramsay Hunt, e cila i paralizoi anën e djathtë të fytyrës së tij.
Ai shpjegoi se kjo është arsyeja pse ai duhej të humbiste shfaqjet e fundit dhe u tha fansave se duhej të merrte pak kohë për të punuar për t’u përmirësuar.
Ende nuk është e qartë se sa kohë mund t’i duhet këngëtarit të “Yummy” për një rikuperim të plotë, por ai dukej i sigurt se gjithçka do të kthehej në normalitet me pushimin dhe kujdesin mjekësor.
Deri më tani, turneu i tij është botëror do të rifillojë më 31 korrik 2022 në Itali, sipas faqes së tij zyrtare të internetit.
and then