U luajtën ditën e sotme 3 sfidat e vlefshme për javën e 31-të të Superiores, ku nuk munguan surprizat. Në duelet e zhvilluara në orën 16:45, Laçi i Shpëtim Duros, triumfoi minimalisht 1-0 ndaj Tiranës, duke i shtyrë festën bardhebluve, që tashmë janë 12 pikë larg vendit të dytë.
Ndërkohë në sfidën tjetër, Partizani mposhti Dinamon me rezultatin 3-1, në “Selman Stërmasi”, duke barazuar me pikë Kukësin. “Demat” janë pozicionuar përkohësisht në vendin e 3-të, për shkak të golavarazhit më të mirë. Për sa i përket Dinamos, “nëndetësja” e Vanilit, duket e “abonuar” me disfatat, teksa tashmë vetëm matematika e mban në lojë, pasi gjithçka tjetër po punon kundër tyre.
Humbje e hidhur edhe për Kukësin e Longos, që u mposht me rezultatin 4-1 nga Teuta, në sfidën e zhvilluar në “Niko Dovana”. Verilindorët tashmë rrezikojnë ndjeshëm pjesëmarrjen në Europë, ndërkohë që në krahun tjetër, kampionët në fuqi të Superiores, arritën të merrnin 3 pikë tepër të rëndësishme, që duket se kanë sjellë qetësi, për sa i përket mbijetesës. Vllaznia-Skënderbeu dhe Kastrioti-Egnatia, janë 2 sfidat e ditës së shtunë që do të përmbyllin këtë javën të 31-të të Superiores.
E PREMTE:
Partizani-Dinamo 3-1
Laçi-Tirana 1-0
Teuta-Kukësi 4-1
E SHTUNË:
Kastrioti-Egnatia 16:45
Vllaznia-Skënderbeu 16:45
Arena e Lajmit
and then