Anthony Hopkins publikon videon e rrallë në rrjetet sociale dhe gjithë vëmendjen e mori stili i tij

Anthony Hopkins shfaqi stilin e tij veror të dielën teksa tregoi disa lëvizje kërcimi në një video në Instagram.

Aktori veteran, 84 vjeç, veshi një këmishë stil Hawaiian me lule ngjyrë të gjelbër dhe blu që e kombinoi me pantallona bezhë, pantofla dhe një kapele elegante, ndërsa ndodhej në shtëpinë e tij dhe shijonte motin e ngrohtë.

Anthony hoqi kapelën e tij përpara se t’ia bënte kamerës me sy të pacipë për t’i dhënë fund momentit argëtues. Krah videos shkroi: ‘Atmosfera e një të diele vere’.

 

View this post on Instagram

 

A post shared by Anthony Hopkins (@anthonyhopkins)

Ylli, i cili tashmë është fituesi më i vjetër i Oskarit, do të sfidojë vitet duke luajtur rolin kryesor në një film që do të nxjerrë në pah krizën e refugjatëve në Ukrainë. Anthony do të jetë aktori më i vjetër britanik që do të marrë një rol kryesor në një film të madh.

Ekipi i prodhimit ka mbetur i impresionuar nga mbështetja e aktorit për projektin. “Të gjithë janë të habitur që Anthony ka pranuar rolin”, tha një burim. “Ai ishte kaq i vendosur për ta bërë këtë sepse dëshiron të ngrejë çështjen e refugjatëve pas pushtimit të Ukrainës nga Rusia, gjë që i jep skenës së filmit më shumë rëndësi se kurrë. Anthony ishte i pari në diskutimet për rolin më shumë se dy vjet më parë, por kur erdhi pandemia, shumica prej nesh menduam se e kishim humbur mundësinë për ta përzgjedhur atë si Sir Nicholas. Për ta thënë me mirësjellje, ai po plakej. Kishim frikë se kur, ose nëse filmi do të bëhej ndonjëherë, do të duhej të respektonim se, në moshën 84-vjeçare, Anthony mund të mos dëshironte stresin e një roli kryesor në jetën e tij. Ne të gjithë jemi të habitur dhe të kënaqur që Anthony do të marrë pjesë, duke luajtur personazhin kryesor.”

Anthony, i cili njihet më së shumti për portretizimin e vrasësit serial Hannibal Lecter në ‘The Silence Of The Lambs’, nuk është aktori më i vjetër që ka luajtur në një film. Clint Eastwood, 91 vjeç, drejtoi dhe luajti në filmin ‘Cry Macho’ të vitit të kaluar.

Por ylli britanik është më i moshuari që ka fituar një Oscar për ‘Aktorin më të mirë’, duke marrë çmimin vitin e kaluar për rolin e tij si një i sëmurë nga çmenduria në ‘The Father’.