Fiorentina do të jetë skuadra që do të luajë në sezonin e ardhshëm në Ligën e Konferencës nga Seria A. Verdikti ka ardhur pasi skuadra e qytetit të Firences mposhti Juventusin, ndërsa Atalanta dështoi përballë Empolit të shqiptarëve duke mbetur jashtë Europës.
Në një ndeshje ku Alegri bëri përsëri rotacion, Fiorentina u tregua më konkrete para portës, teksa shënoi me Dunkan në fundin e pjesës së parë dhe pastaj me Gonzalez në shtesën e takimit për të marrë një fitore 2-0 që i siguroi vendin e 7 në klasifikim.
Nga ana tjetër, Atalanta u mposht në fushën e saj nga Empoli me shifrat 1-0, ku golin për miqtë e shënoi Stulac pas asistit perfekt të Bajramit. Ndaj skuadra e Gasperinit ka mbetur në vendin e 8 në klasifikim e si rrjedhojë do të shohë ndeshjet e Kupave të Europës nga TV, pas tre sezonesh ku i kishte mahnitur të gjithë edhe në arenën ndërkombëtare duke siguruar rezultate të rëndësishme.
Ndërkohë, Thomas Strakosha nuk e ka mbyllur dot me rrjetën e paprekur ndeshjen e tij të fundit te Lacio, pasi ekipi i tij ka barazuar 3-3 ndaj Veronës në një sfidë me përmbysje të çmendura rezultati.
REZULTATET
Fiorentina-Juventus 2-0
45’+1′ Dunkan, 90’+2′ (p) Gonzalez
Atalanta-Empoli 0-1
79′ Stulac
Lacio-Verona 3-3
16′ Kabral, 29′ Anderson, 62′ Pedro / 6’ Simeone, 14′ Lazanja, 76′ Hongla
FORMACIONET ZYRTARE:
FIORENTINA-JUVENTUS
ATALANTA-EMPOLI
LACIO-VERONA
Arena e Lajmit
Loading…