Deputetja Flutura Açka ka folur për rikthimin e Sali Berishës në krye të PD-së, duke u shprehur se sipas saj ora e ish-kryeministrit ka mbaruar.
Në një intervistë për News24, Açka tha se në PD duhet të ricikloheshin figurat e vjetra dhe se opozitës i duheshin liderë të rinj, figura të reja.
Sipas saj me Berishën në krye PD nuk mund të fitojë, ndërsa vlerësoi figurën e kreut të PD, por shtoi se ora e tij tashmë ka mbaruar.
“Kam frikë se jo, pavarësisht dëshirës së mirë. Nuk mund të fitojë sepse shqiptarët nuk do ta votojnë, nuk do ta votojnë në masë për të fituar, do ta votojnë për nuk është kjo e gjitha sepse ishin duke pritur opozitarët e rinj që të sillnin një frymë dhe t’i jepnin fund tranzicionit shqiptar. Fati i kthimit të Berishës, nuk e diskutoj për moshën, por i vetmi shqetësim është se ora e tij politike ka mbaruar. Ju e patë edhe në zgjedhje nuk ishin zgjedhje demokratike, por vetëm shpura. Të riciklohen xhaketat e vjetra,. Nuk kam asgjë me këta por, këta njerëz do të bindin shqiptarët të vijnë prapë në pushtet, disa prej tyre të njohur si hajdut me damkë, më vjen keq. Mua jo nuk më bindin. Ka disa figura që nuk më bindin dot, riciklimi i tyre i ka bërë dëm të madh PD.”, tha ajo.
Mes të tjerash Açka tha se sot PD është më e rrudhur dhe se ky duhej të ishte diskutimi në këtë parti.
“Objekti i diskutimet duhet të ishte se pse jemi kaq pak? Ku jemi? Jo ‘unë jam më i fuqishëm se ty’. Ne jemi një dhe nuk jemi në garë. Kjo garë e shkatërroi PD. Ne e kemi shushatur elektoratin tonë. Do i bënte mirë PD tërheqje e dy liderëve që janë fajtorët e parë dhe të fundit të kësaj partie. E kuptojnë këta njerëz se çfarë kanë bërë? A e mendojmë se çfarë po ndodh. Ky nuk është një proces, por është i dyshimtë. Ata shpresojnë se çfarë do të ndodhë. Ndaj e bëra këta platformë. Disa prej tyre e anatemuan atë. jam dhe sot që duhet të largohen të dy liderët dhe t’i hapin rrugë reformimit të partisë. Mund të ketë shumicën grupi i Foltores, por a është e gjitha? Kjo ndarje nuk i shërbeu fare PD. Ne nuk kemi pse presim gjykatat, por kemi dhe detyrim moral, por sheh se askush nuk lëshon. Nuk është aspak demokratike, pasi demokratike do të thotë transparente.”, pohoi Açka.
Arena e Lajmit
and then