Karmine Raiola, i njohur nga të gjithë si Mino Raiola, lindi në Salerno më 4 nëntor 1967.
Kur ai ishte një vjeç, familja e tij u transferua në Holandë, në Harlem, për t’iu përkushtuar ushqimit dhe restaurantit. Që në moshë shumë të vogël ai ndihmon prindërit e tij duke qenë kamerier, një aktivitet që nuk e pengon të mbarojë shkollën e mesme dhe të fillojë të ndjekë Fakultetin Juridik.
Ai ka qenë i prirur të mësojë 7 gjuhë të huaja gjuhën italiane, holandeze, angleze, gjermane, spanjolle franceze dhe portugeze. Pasi ka luajtur në ekipet e të rinjve të Harlemit, ai fillon të bëhet përgjegjës për ekipin në moshën 20 vjeçare përpara se të mbante postin e drejtorit sportiv dhe të themelonte një kompani të menaxherëve të futbollit.
Pika e kthesës erdhi në vitin 1992 kur solli Brajan Roin te Foxha, një vit pasi bërin ndërmjetësin në tratativën mes Ajaksit dhe Interit për Denis Berkampit dhe Uim Xhonkut.
U bë agjent i FIFA-s dhe themeloi kompaninë “Sportman”, me qendër në Montekarlo. Kështu filloi ngjitja në futbollin e nivelit të lartë me përfaqësuesit e kampionëve si Nedved, Ibrahimoviç, Pogba, Baloteli, Verrati, Donaruma, De Ligt dhe Haland.
Sipas “Forbes”, Raiola, në vitin 2020, ai u rendit i katërti në botë mes agjentëve me një xhiro prej 84.7 milionë dollarësh duke mbyllur marrëveshje për 847.7 milionë dollarë.
Jo veçanërisht i dashur nga drejtuesit e klubeve, ai bëri pasurinë e tij dhe të klientëve të tij dhe do të mbetet përgjithmonë në historinë e futbollit.
– Arena e Lajmit
