Pas arrestimit në Itali të ish-kryetarit të bashkisë së Vorës, Agim Kajmaku, ka reaguar deputetja e PD, Oriola Pampuri.
Në një postim në Facebook , ajo shkruan se Kajmaku është si qershia mbi tortë e festës së PS, duke ironizuar 31 vjetorin e krijimit të kësaj force politike.
Reagimi i plotë:
Agim Kajmaku , si qershia mbi tortën e festës së PS.
Ajo që ne denoncuam me fakte para dy vitesh, për kryebashkiakun “shembull” të Edi Ramës, u vërtetua sot. Ai nuk ishte doktor shkencash, por trafikant droge paska qënë. Ashtu sikurse janë vërtetuar, gjithashtu po vërtetohen shumë afera korruptive, apo përfshirje në trafik kombëtar e ndërkombëtar droge, që PD ka denoncuar për njerëzit pranë Edi Ramës, të cilët e mbështetën për të qëndruar në pushtet. Shqiptarët duan ndryshim, duan figura të papërlyera, të pakorruptuara, me të cilët të përfaqësohen e ky vend të eci përpara.