Shawn Mendes anulon pjesën tjetër të turit të tij: Më vjen keq por fatkeqësisht…

Shawn Mendes ka njoftuar se do të anulojë pjesën tjetër të turneut të tij për t’u kujdesur për shëndetin e tij mendor.

“Siç e dini djema, më duhej të shtyja javët e fundit të shfaqjeve pasi nuk isha plotësisht i përgatitur për koston që do të më merrte të kthehesha në skenë,” filloi deklaratën e tij në rrjetet sociale këngëtari i “Treat You Better”.

“E nisa këtë turne i emocionuar që më në fund të kthehesha në performanca live pas një pauze të gjatë për shkak të pandemisë, por realiteti është se nuk isha aspak gati për sa i vështirë do të ishte turneu pas kësaj kohe larg.”- shton ai.

Mendes, tha se pasi foli me ekipin e tij dhe një “grup të jashtëzakonshëm profesionistësh shëndetësorë”, ata arritën në përfundimin se “është bërë më e qartë” se ai duhet të marrë kohën që “nuk e ka marrë kurrë për veten” kështu që se ai mund “të kthehet më i fortë”.

Këngëtari i “Lost in Japan”, i cili pranoi se i është thyer zemra nga vendimi, tha se shpreson të rifillojë datat e turneut të tij pas një “kohe shumë të nevojshme pushimi”, por ndërkohë do të vazhdojë të regjistrojë muzikë të re për fansat e tij.

“…Unë premtoj se do të kthehem sapo të kem marrë kohën e duhur për t’u shëruar,” përfundoi ai mesazhin e tij. “Ju dua të gjithëve dhe ju falënderoj shumë që më keni mbështetur dhe qëndruar pranë meje në këtë rrugëtim.”

Përditësimi i Mendes vjen vetëm disa javë pasi ai fillimisht njoftoi se po shtynte turneun e tij , të njohur si “Wonder: The World Tour”. Turneu i tij filloi në Portland në qershor dhe ishte planifikuar të vazhdonte deri në gusht 2023.

Mendes gjithashtu aludoi për problemet e tij për shëndetin mendor në prill, kur u tha fansave se e kishte të vështirë të tregonte të vërtetën për veten e tij.

“Kam frikë se nëse njerëzit e dinë dhe shohin të vërtetën, ata mund të mendojnë më pak për mua,” shkroi ai në internet. “Ata mund të mërziten nga unë. kështu që në ato momente kur ndihem i ulët ose bëj një shfaqje ose fshihem.”