Mediat sociale kanë qenë plot me reagime që nga publikimi i një studimi të ri që e emëron Taylor Swift si të famshmen që shkakton me avionin e saj privat dëmtimet më të mëdha në mjedis. Avioni i saj raportohet se ka lëshuar 8,293.54 tonë metrikë karbon në vetëm shtatë muajt e fundit. Studimi, i kryer nga firma e marketingut dixhital ‘Yard’, ngjalli debate të shumta, si dhe meme- megjithëse një koment i veçantë dukej se kishte tërhequr vëmendjen e yllit të Keeping Up With the Kardashians.
Khloe, motra e së cilës Kylie Jenner sapo është përballur me reagime të ashpra për avionët privatë të saj dhe Travis Scott, së fundmi “pëlqeu” një video që bënte humor rreth asaj se si Kris Jenner mund të ketë qenë pas studimit të mësipërm, si një mënyrë për të hequr vëmendjen nga familja e saj. Videoja gazmore, e cila u shpërnda në llogarinë e një fansi të Kardashian në Instagram, tregonte Kriss duke e identifikuar veten si “Kris f–king Jenner” së bashku me një mbishkrim që lexonte: “Kush zbuloi se avioni privat i Taylor Swift bëri 170 fluturime këtë vit?”
View this post on Instagram
Dhe ndërsa Khloe nuk la një koment, të tjerët kishin shumë për të thënë. “Kjo më kujton atë meme që thoshte se djalli punon shumë, por Kris Jenner punon më shumë,” shkroi një përdorues, ndërsa një tjetër tha: “Momager Kris gjithmonë ka një histori për çdo skandal që familja e saj kalon”.
Sipas studimit të Yard, sasia totale e emetimeve të karbonit të avionëve privatë të bërë nga avioni i Kylie është shumë më i ulët se emetimet nga avioni privat i Taylor, e cila u zbulua se kishte bërë 170 udhëtime që nga janari përmes të dhënave të përpiluara nga llogaria në Twitter @celebjets.
Megjithatë, në përgjigje të raportimit, një përfaqësues i këngëtares së “Bad Blood” i tha E!News, “Avioni i Taylor-it u jepet individëve të tjerë hua. T’i atribuosh asaj shumicën ose të gjitha këto udhëtime është krejtësisht e gabuar.”
