Selena Gomez u fotografua në momente shumë të afërta me producentin italian të filmave Andrea Iervolino teksa ndodheshin në një jaht në Positano të Italisë.
Iervolino, 34 vjeç, u pa duke u mbajtur nga këmbët e 30-vjeçares ndërsa ajo i varte këmbët në ujë ndërsa ishte ulur në buzë të jahtit.Iervolino dukej se po e tërhiqte nga këmbët Selenën në mënyrë që ta hidhte atë në oqean. Ajo dukej se e shijonte vëmendjen dhe buzëqeshte kur ai e prekte. Në një moment tjetër, Gomez u pa duke u hedhur në ujë, duke spërkatur Iervolinon ndërsa ai zgjati krahët për ta kapur atë.
Dyshja u panë gjithashtu teksa ishin ulur krah për krah në jaht ndërsa shijonin një vakt me miqtë e tjerë në një tavolinë. Ylli i “Only Murders in the Building”, e cili gjithashtu u pa duke bërë ski me një shoqe, kishte veshur rrobabanje të zeza dhe seksi që i nxirrnin në pah të pasmet e saj.
Iervolino, i cili më parë ishte parë me Gomez në korrik 2019, është i njohur për prodhimin e filmave si “Waiting for the Barbarians” dhe “The Humbling”. Ai gjithashtu bashkëprodhoi “In Dubious Battle”, në të cilin luajti Selena.
Këto foto të Gomez vijnë vetëm disa javë pasi gjyshja e saj zbuloi një detaj mbi jetën e saj në një video qëyYlli shpërndau në TikTok.
Këngëtarja e “Who Says” postoi një video në TikTok ndërsa bënte një tutorial grimi me produktet e saj të ‘Rare Beauty’. Në videon, e cila u postua në llogarinë e saj, Selena fillon të bëjë buzëkuqin teksa një zë jashtë kamerës pyeti: “Pra, si i dhe fund me atë djalin?”. E kujdesshme që të mos i shpërndante sekretet e saj para njerëzve, ajo u përgjigj: “Uhh, do të të tregoj për një sekondë”. Selena më pas u përpoq të vazhdonte videon por nuk e arriti dot ta përfundonte për shkak të të qeshurës. Teksa shpërndau videon me ndjekësit, ajo shkroi: “Nuk kam fjalë”.
Gomez zakonisht e mban jetën e saj romantike hermetike. Ajo ka qenë në lidhje me Justin Bieber, i cili tani është i martuar me Hailey Bieber, për shtatë vjet deri në ndarjen e tyre përfundimtare në 2018. Ajo gjithashtu ka shijuar një romancë me The Weeknd, por ata u ndanë në tetor 2017 pas 10 muajsh së bashku. Gomez ka qenë e lidhur me Zedd, Niall Horan dhe Nick Jonas.