Kreu i opozitës në Bullgari ish kryemnistri Bojko Borisov i GERB-it, i bëri thirrje kryeministrit Kiril Petkovit që të mos fshihet, por të paraqesë në parlament një propozim për heqjen e vetos ndaj Maqedonisë veriore.
Ky qëndrim i liderit të opozitës u përshëndet nga Komisioneri për Zgjerimin në BE Oliver Varhelyi, i cili e falenderoi Borisovin përmes një statusi në tëitter.
“Falenderojmë liderin e opozitës Gerb @BoykoBorissov për marrjen e një vendimi historik për Evropën dhe për pranimin e negociatave me Maqenoninë e Veriut bazuar në propozimin francez që lejon vazhdimin me hapjen e negociatave të anëtarësimit me Maqedoninë e Veriut. Ne presim që qeveria t’i bëjë propozimet e nevojshme Parlamentit sot në mënyrë që Evropa të mund të ecë përpara”, shkruan Varhelyi.
Megjithatë lajmet nga Bullgaria nuk duken edhe aq optimiste për Maqedoninë e për rrjedhojë edhe për Shqipërinë.
Qeveria bullgare e kundërshtoi propozimin e Bojko Borisovit për të miratuar propozimin e presidencës franceze, e cila do të hapte procesin e pranimit të Maqedonisë së Veriut në BE.
Kjo u mësua nga një koment i shefes së shtabit dhe zëdhënëses së qeverisë Lena Borislavova tek “Dnevnik“. Ajo tha se kryeministri Kiril Petkov nuk do të tërhiqet nga formula tashmë e shpallur në mënyrë të përsëritur për vendimin e Maqedonisë – të shkojë së pari përmes komisionit parlamentar për politikë të jashtme, pastaj përmes sallës plenare, ku do të merrte mbështetje të gjerë dhe pastaj nëpërmjet Këshillit të Ministrave.