Festa e titullit kampion nuk ka përfunduar ende për tifozët e Milanit.
Tifogrupi “MilanQuan Shenzhen Fans Club” në Kinë kanë organizuar një festë unike me dritat e 255 dronëve me pamjet e titullit të 19-të, stemës së Milanit, stadiumit “San Siro”, Sandro Tonalit, Zlatan Ibrahimoviçit dhe frazat e kuqezinjve “We Are AC Milan”, “AC Milan is Champion”, “Pioli is on Fire”, “Forza Milan” dhe një falënderim për Maldinin me shprehjen “Grazie Paolo”.
Pamje që menjëherë u bënë virale.
Milani arriti të fitojë titullin e 19-të në historinë e saj në ndeshjen e fundit të kampionatit me rezultatin 0-3 ndaj Sasuolos në stadiumin “MAPEI”.
Titulli kampion u mungonte kuqezinjve prej 11 vitesh, ekzaktësisht që nga sezoni 2010/2011 me Masimiliano Alegrin trajner.
– Arena e Lajmit
Loading…