Katër persona dyshohet se kanë qenë autorët e masakrës te Mbikalimi i Fushë-Krujës pasditen e sotme, ku mbetën të vrarë tre persona, teksa dy prej tyre u dogjën në makinë. Ndërkohë pak minuta pas krimit, pak kilometra nga vendi i ngjarjes, në Larushkë u gjet i djegur një automjet që dyshohet se ishte përdorur nga autorët.
Gazetari Igli Çelmeta raportoi për “BalkanWeb” se pas shuarjes së plotë të zjarrit në makinën e dyshuar të përdorur nga autorët, janë gjetur në brendësi të makinës tre armë zjarri automatike.
Targa e mjetit del e vjedhur e kallëzuar si e vjedhur në Tiranë këtë vit.
Dyshohet se kanë qenë 4 veta (autorë), ku tre kanë dalë nga mjeti dhe kanë qëlluar para mjetit në drejtim të viktimave.
Nga këqyrja e vendit të ngjarjes dyshohet se 30-vjeçari Diklen Vata që mundi të dilte nga mjeti i plagosur, por i gjallë është qëlluar dhe nga afër me armë.
Në vendngjarje janë sekuestruar mbi 50 gëzhoja armësh automatike.
Një prej viktimave të djegura dyshohet se është Brilant Martinaj, ndërsa tjetri shoferi i mjetit ende nuk është konfirmuar 100% identiteti.
and then