Kampionati zviceran ka një kampion të ri, duke i dhënë fund hegjemonisë 12-vjeçare të dyshes Bazel-Jang Bojz. Zyrihu është kthyer përsëri në fronin e kampionit, duke festuar një titull që shihej si i pamundur një vit më parë, kur mbylli kampionatin në vendin e 8.
Kampionët janë kurorëzuar sot matematikisht, pasi kanë fituar një klasike në Zvicër, atë ndaj Bazelit, në fushën e këtyre të fundit. Tifozët vendas ishin përgatitur që të shtynin festën, me një koreografi mbresëlënëse që u hap para sfidës e ku shfaqeshin disa ikona të klubit, mes të cilëve edhe Taulant Xhaka i cili ishte në fushën e lojës.
Por Zyrihu kishte udhëtuar me ide të qarta për të mbyllur që sot diskutimet për titullin dhe ai doli me dy shqiptarë në fushën e lojës. Blerim Xhemajli, i kthyer në Zvicër për të tentuar pikërisht këtë titull, si dhe ish-lideri i mbrojtjes së Skënderbeut, Fidan Aliti, ishin titullarë në këtë duel të cilin skuadra e tyre e fitoi me shifrat 2-0, duke marrë pikët që i nevojiteshin për të siguruar trofeun e 13 në historinë e klubit.
Arena e Lajmit
and then