Zbardhen të tjera detaje nga kontejneri me banane, i kapur dy ditë më parë në Portin e Durrësit, dhe ku ka dyshime për trafikim kokaine.
Gazetarja Klodjana Haxhiaj raporton për “BalkanWeb” se Prokuroria e Durrësit ka dyshime që kontejneri me banane të jetë hapur në Port, mes datave 12 dhe 15 korrik.
Siç mëson gazetarja Haxhiaj, ekspertët e grupit hetimor po analizojnë qindra orë pamje të kamerave të sigurisë, për të parë kush ka hyrë në kontejner.
“Kontenieri ka mbërritur në datë 8 në portin e Dr. Deri në 12 ka qëndruar në terminal i pahapur. Në dt 12 është verifikuar nga nga AKU dhe në procesverbalin e mbajtur prej inspektorëve të Aku-së kontenieri rezulton i mbyllur.
Prej datës 12 deri në 15 përgjegjësi i turnit ka caktuar vetëm një roje sigurie në terminal nga dy që është rregulli.
Prokuroria mendon kontenieri të jetë hapur para se të ngjitej nga kati i parë në të tretë. Një tjetër dyshim është fakti që kontenieri nuk është vendosur në zonën e rriskut , për shkak të produktit dhe vendit të origjinës nga vjen”, thekson Prokuroria e Durrësit.
Arena e Lajmit