Video/ Akti normativ për kompensimin e kompanive të ndërtimit, Vasili: Kjo punë vjen erë, nuk ka mbështetje kaq bujare për biznesin

Në mbledhjen e Komisionit për Çështje Sociale të Shëndetësisë, është shqyrtuar akti normativ për kompensimin e çmimeve.

Gjatë fjalës së tij nënkryetari i LSI Petrit Vasili, u shpreh se ky akt sipas tij nuk mund të thuhet se mbron vendet  e punës, duke shtuar se paketa bujare për bizneset nuk ka pasur.

“Ne duhet të tregohemi të përgjegjshëm. Duhet të tregohet sa është numri i kontratave dhe sa është efekti financiar.

Nuk mund të themi që akti mbron vendet e punës. Ka kontrata që nuk kanë bërë asnjë punë dhe pyetja qëndron a e kanë ditur këtë histori këta? Pra nëse kemi këto lloj histori këtu pastaj vjen erë. Tani e fundit, ne e dimë që kontratat shtrihen në vite, nuk janë të parët. Në ç’raport janë me pjesën tjetër të biznesit. Paketa të mëdha mbështetëse kaq bujare për biznesin nuk ka, për individin jo e jo.”, tha Vasili.