Ish-mbrojtësi Endri Vrapi, ishte i ftuar në studion e emisionit “Sport News Plus”, të moderatores Daljana Sejdia, në televizionin “News 24”, ku analizoi zhvillimet e kësaj jave në Kategorinë Superiore, teksa ndër të tjera u shpreh:
“Çdo trajner ka personalitetin e vetë. Nuk mund të themi që Josa nuk ka bërë mirë dhe Duro ndryshoi gjithçka. Laçi u ribë prap, mënyra se si u largua Duro në fillim ishte e paqartë.
Kur pretenduan të bënin hapin e madh, për të synuar titullin, rrëshqitën. U zbeh më pas pretendimi që kishin. Nuk mund t’ia heqim meritat Laçit, që ka qenë faktor në kampionatin shqiptar. Ishte ekip që gjithmonë të hapte probleme. I takon gjithmonë që të jetë në Europë.
Cilido trajner ndihet komod te Tirana, për përbërjen e grupit. Presionin më të madh në garën e Europës, do ta ketë Kukësi. Do jetë ndeshje shumë e fortë dhe e luftuar ajo mes Kukësit dhe Partizanit. Ai që do të fitojë atë ndeshjen, do të jetë një hap më afër Europës.
Te Vllaznia, punën që la përgjysmë Brdariç, po e vazhdon mesë miri Plori. Skënderbeu ishte i mobilizuar si në të gjitha ndeshjet, Vllaznia vuajti shumë për të nxjerrë golin. Ishte momenti i duhur që iu duhej me patjetër fitorja. Unë them që do ta ketë vështirë Vllaznia ndaj Dinamos.
E quaj të suksesshëm këtë vit të Teutës, sepse ka futur disa lojtar të rinj. Nuk e shikoj të rrezikuar Teutën”, deklaroi Vrapi.
Arena e Lajmit
