MINIFUTBOLL/ Kombëtarja kuqezi e pafat, Shqipëria del pa pikë në sfidën e dytë të Europianit përballë Rumanisë (VIDEO)

Kombëtarja shqiptare e minifutbollit doli e pafat nga përballja e dytë të Europianit kundër Rumanisë, me shifrat 3-1.

Kombëtarja kuqezi luajti mjaft mirë në fillimin e sfidës, duke i shmangur rastet e skuadrës rumune, por në fundin e pjesës së parë, ishte Balea ai që shënoi.

Në pjesën e dytë, kombëtarja pësoi dy gola të shpejtë, që u dukën se vulosën fatet e këtij takimi.

5 minuta përpara fundit, ishte shima ai që shkurtoi diferencën dhe i dha shpresë kuqezinjve, por që në fund dolën pa pikë nga “Steel Arena”.

Kështu Shqipëria rendit në vendin e tretë, pas Rumanisë dhe Azerbajxhanit dhe shpresa për të kaluar grupet qëndron, pasi dhe e treta më e mirë do të kualifikohet.

Sfida e ardhshme për Kombëtaren do të jetë në datën 7 qershor, përballë Azerbajxhanit, në orën 10:30.

RUMANI 3-1 SHQIPËRI

Balea 23′, Ungur 33′, Ploepanu 39′ / 45′ Shima

KOMENTI LIVE:

52′ Mbyllet sfida!

50′ Shima lëshon një gjuajtje të bukur, por tentativa e tij shkon mbi kuadrat.

45’ GOOOL SHQIPËRIA/ Shima përfiton mjaftë mirë nga një gabim i portierit kundërshtar për të gjetur rrjetën.

39’ Ploepanu shënon dhe golin e tretë për rumunët, duke vulosur fatet e sfidës.

33’ Kuqezinjtë ndëshkohen për të dytën herë, pas një gjuajtje të Ungur e cila ndalet në rrjetë.

31’ Kuqezinjtë kërkojnë të avancojnë, por kombëtarja rumune qëndron e mbyllur në mbrojtje.

26′ Starton pjesa e dytë!

25′ Mbyllet pjesa e parë!

23’ Vjen goli nga kombëtarja rumune, e cila me anë të një gjuajtje të Balea kalon në avantazh.

23’ Hyesnbelliu jep një top me duar drejt Shimas, me tentativën e këtij të fundit që shkon jashtë kuadratit.

18’ Dushku lëshon një gjuajtje nga distanca, por tentativa e tij shkon mbi kuadrat.

17’ Një tjetër reagim fantastik nga ana e Xhaferit, i cili mohon një tjetër gol të sigurt.

11’ Xhaferi tregohet sërish fantastik, me një tjetër suprtpritje duke i mohuar një tjetër gol të sigurt rumunëve.

8’ Një tjetër reagim nga ana e Xhaferit, i cili i mohon një gol kombëtares rumune.

7’ Një superpritje nga ana e Xhaferit, pas një tentative të rrezikshme nga rumunët.

2’ Leci lëshon një gjuajtje të bukur por që ndalet nga portieri rumun.

1’ Starton sfida!

Shqipëria: Xhaferi, Pjeternikaj, Hysenbelliu (c), Mehja, Shima, Leci

Arena e Lajmit