Christian Wilkins ka folur mbi ortekun e urrejtjes në internet që mori për veshjen e një fustani në 2022 TV Week Logie Awards.
29 vjeçari,u shpreh për ABC’s Insight këtë javë se mori mijëra komente ofenduese pasi guxoi të sfidonte stereotipet gjinore duke veshur një fustan të bardhë te hapur mbrapa në tapetin e kuq.
‘Njerëzit shpreheshin se jam një turp.”
Modeli dhe aktori tregoi se nuk e priste këtë reagim negativ, madje shpreson të frymëzojë të tjerët të shprehin identitetin e tyre të vërtetë.
Wilkins nuk harroi të falënderonte publikisht prindërit për mbështetjen e dhënë.
“Që fëmijë, gjithmonë më pëlqente çdo gjë që ishte rozë dhe shkëlqyese… Asnjëherë nuk jam inkurajuar domosdoshmërisht të vishja fustane. Por prindërit e mi thanë, nëse do të doja, ata do të më lejonin absolutisht”, shtoi ai.
Publikisht, babai i Christian, Richard, lavdëroi djalin e tij për shprehjen e stilit të tij unik në Logies, duke shkruar në Instagram: “Për këdo që guxon të më thotë se unë kam ‘turp’ për djalin tim Christian… për çfarëdo arsye… Ju jeni gabim!’
‘Nuk mund të jem më krenar!! Ai është një qenie njerëzore e jashtëzakonshme që do të lërë vulën e tij në botë shumë kohë pasi kritikuesit e tij të jenë zhdukur”, vazhdoi prezantuesi i Nine.
“Të dua pa kushte”, shtoi ai.
Në fund aktori përfundoi me një mesazh për të gjithë që friksohen të shprehin hapur prirjet e tyre seksuale.
‘Nëse doni ta vishni, nëse doni të lyeni sytë dhe buzët, kush po ju thotë se nuk mund ta bëni? Beje! Bëj çdo gjë që të bën të ndihesh mirë.’