Sekretari i Përgjithshëm i LSI, Endrit Braimllari ka marrë pjesë në takimin publik të Frontit për Shpëtimin e Shqipërisë. Teksa bëri thirrje për pjesëmarrje në protestën e 7 korrikut, Braimllari deklaroi se kjo situatë e rëndë në të cilën ndeshet vendi kërkon bashkimin e të gjitha energjive politike dhe jo politike kundër një regjimi të tillë i cili nuk mendon për qytetarët.
Ai tha më tej se ka shumë arsye pse duhet të protestojmë më datë 7 korrik, duke nisur nga çmimet e larta që po vrasin çdo ditë familjet shqiptare, te korrupsioni dhe çmimi i karburanteve.
“Protesta e 7 korrikut vjen si rezultat i një thirrje të shoqërisë civile. Kësaj strukture e cila gjatë gjithë këtyre viteve ka protestuar seriozisht e pakapur nga regjimi monist i rilindjes. Kjo situatë e rëndë në të cilën ndeshet vendi kërkon bashkimin e të gjitha energjive politike dhe jo politike kundër një regjimi të tillë i cili nuk mendon për qytetarët.
Ka shumë arsye pse duhet të protestojmë më datë 7 korrik. E parë nga çmimet e larta të cilat po vrasin çdo ditë familjet e shqiptarëve. Korrupsioni dhe abuzimi i tmerrshëm me aferën më të madhe korruptive të bërë ndonjë herë në një vend, atë të inceneratorëve të cilën e ka vazhduar ta denoncojë dhe këto ditë kryetarja e LSI.
Rritja e çmimit të karburantit me porosi të oligarkëve të Rames dhe në kurriz të qytetarëve. Papërgjegjshmëria arroganca e rilindjes rëndon mbi qytetarin e thjeshtë. Protestojmë për fermerët që po përballen çdo ditë e më shumë me falimentimin për naftëtarët dhe për çdo shtresë të shoqërisë. Unë ju bëj thirrje të marrim pjesë masivisht si një reagim qytetar dhe si një detyrim moral”, deklaroi Braimllari.
and then