Mosha e bën më të mirë se Ronaldo dhe Rui Kosta, ylli portugez i Milanit: Interin s’e sheh më njeri

Falë golit të djeshëm, Rafael Leao u bë por tugezi i pestë që shënon të paktën 10 gola në një edicion të Serisë A pas Kristiano Ronaldos, Rui Barros, Rui Kostës dhe Betos. Sulmuesi i Milanit është i vetmi që ia ka dalë nën moshën 23-vjeçare.

rafael leao

Tetë nga 10 golat e tij në Serinë A Leao i ka shënuar në “San Siro”, ndërkohë që është i vetmi kuqezi që shënon tetë gola në shtëpi gjatë një sezoni që kur diçka të tillë e bënte Karlos Baka në sezonin 2016- ’17. Kolumbiani arriti kuotën 9, por numri 17 ka edhe një ndeshje në dispozicion. Ai është gati për këtë sfidë individuale e këtë e konfirmoi edhe në intervistën që dha pas takimit të djeshëm.

Cilat janë ndjesitë pas një goli kaq të rëndë?

Goli është momenti më i bukur i punës së një sulmuesi, por për mua rëndësi më të madhe ka fitorja e arritur. Krijuam shumë raste dhe filluam të ishim në ankth sepse po shpërdoronim shumë. Për ne ishte si një finale dhe tani duhet të ruajmë përqendrimin në objektivin tonë.

Festuat duke formuar një zemër me gishta. Ishte special për dikë ai gol?

Për shumë njerëz të veçantë. Për familjen, për miqtë e për shokët e skuadrës. Jam vërtetë shumë i lumtur.

Si përballohet presioni i këtij momenti?

Duke ruajtur përqendrimin e duke qëndruar të bashkuar. Edhe me tifozët të cilët na dhanë një ndihmë të madhe. Duam ta arrijmë këtë objektiv dhe mund t’ia dalim vetëm duke luftuar të gjithë bashkë.

A do t’ia dilni dot të shpalleni kampionë? 

Mundësitë i kemi. Tani do të mendojmë për këshillat që na jep trajneri e për të punuar me dëshirë. Duhet të sakrifikohemi për njëri-tjetrin pa u kursyer e mund t’ia dalim.

Po ndeshjen e Interit do ta shikoni?

Nuk e kam parë ndonjëherë. Ne shohim vetëm veten.

Përgatiti: REINOLD BAKALLI – Arena e Lajmit


Mosha e bën më të mirë se Ronaldo dhe Rui Kosta, ylli portugez i Milanit: Interin s’e sheh më njeri

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.
Na ndiqni

Na ndiq në Facebook