Aktori i njohur bëhet baba për herë të tretë me gruan e tij të pestë, 31 vite më të re

Nicolas Cage dhe gruaja e tij Riko Shibata, kanë mirëpritur fëmijën e tyre të parë së bashku.

Riko solli në jetë vajzën e çiftit, me emrin e plotë August Francesca Coppola Cage, në një spital në Los Angeles.

Një përfaqësues i aktorit konfirmoi lajmin për PEOPLE dhe i siguroi fansat se ‘nëna dhe vajza janë mirë’.

E sapolindura është fëmija i parë i Rikos dhe i treti i Nicolas.

Aktori i Kick-Ass ka djalin Weston Coppola Cage, 31 vjeç, me ish-Christina Fulton dhe djalin Kal-El, 16 vjeç, me ish-bashkëshorten Alice Kim.

Nicolas dhe Rico u takuan në Japoni në vitin 2020 kur ai po xhironte filmin Prisoners Of Ghostland të Sion Sono.

Pasi u fejuan në FaceTime, çifti u martuan në hotelin Wynn në Las Vegas në shkurt 2021.

Nicolas konfirmoi vetë lajmin e dasmës në një deklaratë për DailyMail:“Është e vërtetë, dhe ne jemi shumë të lumtur”.

Riko është gruaja e pestë e yllit të Face/Off.