Emily Ratajkowski ka bërë zyrtarisht kërkesë për divorc nga bashkëshorti Sebastian Bear-McClard. Modelja iu drejtua Gjykatës Supreme të Manhattan të enjten, sipas ‘Page Six’.
Ndarja e çiftit erdhi pas tradhtive të Bear-McClard. Në të dhënat e gjykatës të publikuara nga media theksohet se divorci është i kontestuar, që do të thotë se çifti nuk janë në gjendje të negociojë vetë ose me një ndërmjetës kushtet e ndarjes, kështu që ata kanë nevojë për një gjyqtar për të zgjidhur çështjet përmes procesit gjyqësor të divorcit.
Ratajkowski dhe Bear-McClard, producent filmash, ishin miq për disa vite përpara se të fillonin lidhjen në fillim të 2018.
Vetëm disa javë pasi dolën për herë të parë si çift, ata u martuan në një ceremoni civile më 23 shkurt 2018. Në tetor 2020, ata njoftuan se Emily ishte shtatzënë dhe fëmija i tyre i vetëm, Sylvester, ka lindur në mars 2021.
Më 8 korrik të këtij viti u raportua se ata ishin ndarë pas katër vitesh martesë dhe shkak ishin tradhtitë e producentit të filmave. Një burim i tha Page Six në atë kohë: “Po, ai tradhtoi. Ai është një tradhtar serial. Është i shpifur. Ai është një qen.”
Ndërsa asnjëri prej nuk e ka konfirmuar publikisht se kjo ishte arsyeja e ndarjes së tyre. Në fund të gushtit, Ratajkowski u fotografua duke u larguar nga shtëpia ku ata jetonin së bashku. Thuhet se ata komunikojnë vetëm përmes dados së fëmijës së tyre.
and then