Jurgen Bardhi është përsëri lojtar i lirë. Ish-mesfushori i Partizanit, edhe pse ka zhvilluar një sezon të mirë në kategorinë e dytë turke, ka vendosur të ndërpresë bashkëpunimin me klubin e Tuzlaspor i cili i dha mundësinë që të provonte për herë të parë futbollin larg vendit tonë.
Bardhi u largua nga Partizani në verën e kaluar për të provuar një aventurë jashtë duke firmosur me Tuzlaspor, ku u kthye shpejt në një element të rëndësishëm të formacionit titullar duke shënuar 4 gola e dhënë 3 asiste. Por duket se palët nuk kanë gjetur gjuhën e përbashkët për vazhdimin e bashkëpunimit dhe nëpërmjet rrjeteve sociale, mesfushori i ka dhënë lamtumriën këtij klubi.
“Ishte një kënaqësi që isha pjesë e kësaj skuadre. Faleminderit për gjithçka”, ishsin fjalët e Bardhit në postimin që i jep lamtumirën Tuzlaspor. Tani pritet të mësohet se ku do të vazhdojë karrierën futbollisti, për të cilin padyshim nuk do të mungojnë ofertat pas këtij prezantimi të mirë që bëri në futbollin turk.
Arena e Lajmit
Loading…