Shenjat e Fshehura të Depresionit – Si t’i Dalloni

Depresioni është një sëmundje mjekësore që shfaqet me disa simptoma të cilat ndikojnë në mënyrën e të menduarit, ndjenjave dhe përballjes me aktivitetet ditore.

Shpesh këto simptoma janë të fshehura dhe njeriu nuk e kupton nivelin e dëshpërimit.

Mësoni në AgroWeb.org disa prej shenjave më të zakonshme të depresionit që shpesh qëndrojnë të fshehura.

Ngrënia e tepruar ose e pakët e ushqimeve mund të sinjalizojë praninë e depresionit.

Disa njerëz e kanë ushqimin si ngushëllim ndërsa tek disa të tjerë humori largon mendjen nga ushqimi.

Këto ndryshime në ushqyerje mund të shkaktojnë rënie ose shtim në peshë.

Gjumi dhe humori janë të lidhura fort me njëri tjetrin.

Mungesa e gjumit mund të kontribuojë tek shfaqja e depresionit dhe ky i fundit e bën gjumin shumë të vështirë.

Sipas ekspertëve, njerëzit që vuajnë nga pagjumësia janë 10 herë më të rrezikuar nga depresioni.

Edhe gjumi i tepërt mund të sinjalizojë praninë e depresionit, thonë ekspertët.

Njerëzit me çrregullime të humorit mund të përdorin alkolin dhe drogërat e ndryshme për tu përballur me ndjesinë e vetmisë, mërzisë dhe mungesës së shpresës.

Nga ana tjetër, njerëzit që pijnë shumë alkol apo konsumojnë substanca narkotike janë më të prirur të vuajnë nga çrregullimet e humorit.

Në shumë raste, njerëzit e fshehin depresionin me buzëqeshje.

Kjo njihet si depresioni i buzëqeshur.

Njerëzit i maskojnë simptomat me një buzëqeshje sidomos kur janë në praninë e të tjerëve.

Megjithatë kjo lumturi e sforcuar nuk zgjat shumë dhe mërzia, vetmia dhe mungesa e shpresës dalin sërish në sipërfaqe.

Plogështia e madhe dhe lodhja është një simptomë e përhapur e depresionit.

Studimet tregojnë se 90% e njerëzve që vuajnë nga depresioni ndihen shumë të lodhur.

Lodhja e vazhdueshme bashkë me simptoma të tjera siç janë këto që përmendëm më lartë mund të tregojnë një depression të fshehur.

Njerëzit që humbasin fillin e mendimeve apo kanë vështirësi të përqendrohen janë të prekur nga depresioni.

Ky i fundit e bën më të vështirë përqendrimin dhe mund të jetë sfidojë marrëdhëniet e punës dhe ato personale.

Përpos të tjerave, depresioni mund të shkaktojë edhe probleme fizike siç janë: dhimbjet e shpinës, dhimbjet kronike, problemet me tretjen dhe dhimbjen e kokës./AgroWeb.org