Një zjarr është regjistruar pak më parë në fshatin Çiflik, në Berat.
Pakujdesia e disa banorëve të fshatit që ishin duke djegur mbeturinat në tokat e tyre ka bërë që zjarri të përhapet me shpejtësi drejt ullishteve, i favorizuar edhe nga era dhe temperaturat e larta.
Drejt zjarrit janë nisur 2 mjete zjarrfikëse dhe 8 punonjës, të cilët kanë kapur në kohë flakët, duke shmangur edhe rrezikun e përhapjes së tyre drejt ullishteve të tjera të zonës.
Zjarrfikësit kanë mundur të lokalizojnë flakët dhe të kryejnë shuarjen e tyre në një kohë të shkurtër. Si rezultat i zjarrit raportohet se është shkrumbuar një sipërfaqe prej 100 metër katror ullishte.
Arena e Lajmit