“Droni edukues”, shoferët kryejnë manovra të gabuara dhe nuk respektojnë korsinë e lëvizjes, por kapen ‘mat’ (Video)

Policia Rrugore në Tiranë ka gjobitur drejtuesit e mjeteve për shkelje të ndryshme pas kapjes së tyre nga ana e dronit.

Sipas policisë, një ndër objektivat e “Dronit edukues” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.

Drejtuesit e mjeteve që shfaqen në këtë video kryejnë manovër të gabuar, duke mos respektuar drejtimin apo korsinë e lëvizjes, shkelje e cila ndëshkohet me gjobë deri në 3000 lekë, sipas nenit 152 të Kodit Rrugor.