Lezha u trondit orët e vona të mbrëmjes së djeshme nga një krim i rëndë, kur Besnik Pjetri u fut në banesën e Pjeter Perjaku dhe e qëlloi për vdekje bashkë me të birin, Gentin.
Ngjarja ka ndodhur në fshatin Grykë Zezë, ndërsa dyshohet se motivi i konfliktit ka qenë divorci që autori ka marrë para disa kohësh nga vajza e viktimës.
Autori kishte dy fëmijë nga martesa me vajzën e viktimës, ndërsa jetonin më herët në Itali. Ata thuhet se vazhdimisht kanë pasur konflikte me njëri-tjetrin, për çështje ekonomike. Ndërkohë viktimat sapo ishin kthyer nga Italia në banesën e tyre në Lezhë.
Sipas policisë autori i dyshuar është larguar menjëherë nga vendi i ngjarjes pas krimit, ndërsa policia është vënë në ndjekje të tij.
Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.
and then