Adam Levine ngjitet për herë të parë në skenë pas skandalit të tradhtisë, por vëmendjen e mori bashkëshortja e tij

Duke qëndruar pranë burrit të saj.

Kjo ishte ajo që bëri Behati Prinsloo e cila u pa në prapaskenë në shfaqjen e Adam Levine me ‘Maroon 5’ në Las Vegas të shtunën mbrëma, sipas ‘Page Six’.

Performanca shënoi daljen e parë publike të Levine që kur ai u akuzua për tradhtinë e gruas së tij shtatzënë dhe për dërgimin e mesazheve flirte me femra të ndryshme përmes DM-ve në Instagram.

Levine, 43 vjeç, u ngjit në skenën në ‘MGM Grand Hotel’ gjatë fundjavës si pjesë e galasë bamirëse të Shaquille O’Neal, The Event, e cila u ndoq nga yje si Rob Gronkowski, Camille Kostek, Logan Paul dhe Flavor Flav.

O’Neal, i cili më parë mbrojti Levine në mes të skandalit, tregoi publikisht mbështetjen e tij për këngëtarin ndërsa fliste në ngjarje.

“Adami është një mik i imi prej shumë kohësh. Unë gjithmonë i them vetes, e dini, nuk mund të jem hipokrit”, shpjegoi legjenda e NBA-së, që më parë ishte martuar me Shaunie Henderson nga viti 2002 deri në 2011.

“Tani, unë nuk isha bashkëshorti më i mirë në botë, kështu që vetëm për shkak se kam një platformë të madhe për momentin nuk më jep të drejtën të shaj njerëzit e tjerë. Ai është i mrekullueshëm, ai po bën diçka për fëmijët, ai ka qenë gjithmonë i tillë. Unë jam i lumtur për të. Dhe i uroj fat.”

Ish-lojtari i ‘Los Angeles Lakers’ po i referohej pretendimeve të fundit të bëra nga modelja Sumner Stroh, e cila – së bashku me disa vajza të tjera – akuzoi Levine për dërgimin e DM të papërshtatshme dhe flirtuese në Instagram.

Stroh pretendoi në një video të shpërndarë për TIkTok se ajo kishte një lidhje njëvjeçare me muzikantin e martuar, i cili ka vajzat Dusty Rose, 5 vjeç dhe Gio Grace, 4, me Prinsloo. Supermodelja aktualisht është shtatzënë me fëmijën e tyre të tretë.

Levine më vonë pranoi se kishte dërguar mesazhe të papërshtatshme që “kapërcenin kufirin” në një deklaratë të shpërndarë përmes Instagram Story. Megjithatë, ai mohoi të ketë pasur ndonjëherë një lidhje.

“Shumë flitet për mua dhe dua të pastroj zërat. Unë përdora gjykim të dobët kur flisja me dikë tjetër përveç gruas sime në ÇDO lloj mënyre flirtuese”, shkroi Levine pjesërisht në fillim të këtij muaji. “Unë nuk kam pasur një lidhje, megjithatë, kam kaluar kufirin gjatë një periudhe të jetës sime dhe jam penduar.”

Ai shtoi, “Në disa raste, u bë e papërshtatshme. Unë e kam adresuar këtë dhe kam ndërmarrë hapa proaktivë për ta korrigjuar këtë me familjen time.”

Me gjithë reagimin kundër artistit, duket se Levine dhe Prinsloo janë vendosur në një front të bashkuar në publik. Engjëlli i ‘Victoria’s Secret’ u fotografua duke mbajtur dorën e bashkëshortit të saj në disa raste që nga skandali, dhe madje dërgoi një mesazh delikate duke veshur një këmishë ku shkruhej “Dashuri”.